ABŞ şirkətlərində geosiyasi narahatlıq

İnvestorlar və şirkətlər ABŞ fond indekslərini rekord səviyyələrə çatdıran artımın Yaxın Şərqdə baş verənlərə görə təhlükə altında olduğu barədə xəbərdarlıq etməyə başladılar.

Bloomberg-in təhlilinə görə, bəzi şirkətlərin qarşıdurmalara görə boykot edilməsinin mənfəət nisbətləri üçün risk yaratdığı, Qırmızı dənizdə ticarət gəmilərinə edilən hücumların da tədarük zəncirlərini təhdid etdiyi məlum olub.

Təhlillərə görə, indiyədək birinci rübün gəlirlərinin yalnız yarısı açıqlandığı halda, telekonfranslarda geosiyasi risklərin və ya Qırmızı dənizə istinadların sayı əvvəlki rübdə olduğu kimi eyni səviyyəyə çatıb.

Kornitzer Capital Management Inc.-dən Nicole Kornitzer, “Geosiyasi inkişaflar risk faktorudur. Təzyiq daha uzun müddət davam edərsə, bu, korporativ marjalara təzyiq göstərə və xərclər qiymətlərə keçdiyi üçün inflyasiyaya səbəb ola bilər. Mənfəət proqnozlarına isə belə bir ssenari daxil edilməyib".

Bank of America-nın son fond meneceri sorğusu da göstərib ki, investorlar geosiyasi vəziyyəti inflyasiyadan sonra səhm qiymətləri üçün ikinci ən böyük risk kimi görür.

İştirakçılar iki təhlükənin bir-birinə bağlı olduğunu bildirsələr də, Qırmızı dəniz və ya Yaxın Şərqdə gərginliyin artmasının neft və yükdaşıma qiymətlərinin artmasına və nəticədə inflyasiyanın artmasına səbəb olacağı fikrini söyləyiblər.

Bununla belə, Goldman Sachs mənfəət proqnozlarının artması səbəbindən S&P 500 üçün il sonu proqnozunu 5100-dən 5200-ə yüksəldib.
​