Mərkəzi Bankın valyuta ehtiyatları 16,6% artıb
2023-cü ilin yanvar-noyabr aylarında Azərbaycanın strateji valyuta ehtiyatları 16,6% artaraq 68,2 milyard dollar olub.
“2023-cü ilin 9 ayı üzrə cari əməliyyatlar hesabının profisiti 6.7 mlrd. ABŞ dolları və ya ümumi daxili məhsulun (ÜDM) 12.5%-i səviyyəsində olmuşdur. Profisitli tədiyə balansı şəraitində ölkənin strateji valyuta ehtiyatları 2023-cü ilin 11 ayında 16.6% artaraq 68.2 mlrd. ABŞ dollarına çatmışdır”, - Mərkəzi Bankın 2024-cü il üçün Pul Siyasətinin Əsas İstiqamətləri barədə bəyanatında deyilir.
Azərbaycanın strateji valyuta ehtiyatları Mərkəzi Bankın valyuta ehtiyatları, Dövlət Neft Fondunun aktivləri və Maliyyə Nazirliyinin xəzinə vəsaitlərindən formalaşır.
