Maşın almaq üçün Azərbaycandan xaricə çıxan pul 88% artıb - NƏ ALMIŞIQ?
2023-cü ilin yanvar-oktyabr aylarında Azərbaycana avtonəqliyyat vasitələrinin idxalı ümumi dəyəri 1 milyard 374 milyon 23,19 min ABŞ dolları olmaqla 81 206 ədəd təşkil edib. ENA.az xəbər verir ki, dəyər ifadəsində artım 65,7 faiz, ədəd ifadəsində isə 2022-ci ilin yanvar-oktyabr ayları ilə müqayisədə 33,6% artım baş verib.
Dövlət Gömrük Komitəsinin məlumatına görə, hesabat dövründə respublikaya idxal olunan nəqliyyat vasitələrinin 75 058 ədədini minik avtomobilləri və sərnişindaşıma üçün nəzərdə tutulmuş digər motorlu nəqliyyat vasitələri təşkil edib. Azərbaycandan bu dövrdə ədəd göstəricisində 33,8% çox maşın gəlib. Ötən illə müqayisədə 1 milyard 245 milyon 193,4 min dollar daha çox pul (artım 87,5%) çıxıb. O cümlədən, 98 299,79 min dollar dəyərində 2 425 elektromobil və 295,531 milyon dollar dəyərində 11 769 ədəd hibrid avtomobil idxal edilib.
Bundan əlavə, Azərbaycana 5756 ədəd (artım 40,9%), 90 milyon dollar, 158,2 min (artım 9,4%), yük daşımaları üçün nəzərdə tutulmuş motorlu nəqliyyat vasitələri idxal edilib. Həmçinin 302 ədəd. xüsusi təyinatlı motorlu nəqliyyat vasitələri (artım 13,9%) 32 milyon 577,58 min dollar (azalma 7%) alınıb.
Həmçinin hesabat dövründə respublikaya 5 milyon 756 min ABŞ dollarına (azalma 83,6%) 10 və daha çox insanın daşınması üçün nəzərdə tutulmuş 90 ədəd (azalma 3,8 dəfə) avtonəqliyyat vasitəsi idxal edilib.
2022-ci ildə Azərbaycana avtomobil idxalı 74,577 min ədəd olmaqla ümumi dəyəri 1 milyard 57 milyon 792,37 min ABŞ dolları təşkil edib.
Müvafiq olara, benzin və dizel satışı da artıb. 2023-cü ilin yanvar-oktyabr aylarında Azərbaycanda yanacaq istehlakçıları 2 milyard 518,3 milyon manat (cari məzənnə ilə $1 milyard 481,4 milyon) məbləğində avtomobil benzini və dizel yanacağı alıblar ki, bu da 2022-ci ilin müvafiq dövrünün göstəricisindən 6,6% çoxdur.
