Neft bir həftədə 4%-dən çox bahalaşdı - 15.09.2023
Brent nefti Səudiyyə Ərəbistanı və Rusiyanın tədarükün azaldılmasının təsiri ilə artıq üçüncü həftədir ki, bahalaşmağa hazırlaşır.
ENA.az xəbər verir ki, cümə axşamı günü 2 faiz bahalaşan Brent nefti üzrə bağlanan müqavilələrdə məbləğ 94 dolları keçib. Bakı vaxtilə saat 11:00-a olan məlumata görə, Brent neftinin qiyməti 94,31 dollar təşkil edir.
Beynəlxalq Enerji Agentliyi və Neft İxrac Edən Ölkələr Təşkilatı bu həftə bazarın ilin sonuna qədər kəsirlə olacağı ilə bağlı xəbərdarlıq etmişdi ki, bu da xam neftin ötən cümə gününün bağlanışından bəri 4 faizdən çox artmasına kömək etdi.
Tələb ABŞ-ın tənəzzüldən qaça biləcəyinə dair artan işarələrlə də dəstəkləndi, cümə günü Çindən gələn məlumatlar isə iqtisadçıların proqnozlarını üstələdi, bu da tənəzzülün ən pisinin arxada qaldığını göstərir. ABŞ iqtisadiyyatının tənəzzüldən qaça biləcəyi fikri və Çindən gələn son iqtisadi məlumatlar neft bazarında sıxlığın arta biləcəyini göstərir.
Commonwealth Bank of Australia Araşdırma Direktoru Vivek Dhar, "OPEC+ ixtisarlarını nəzərə alaraq, Brentin neft bazarında 100 dollara yüksəlməsi ehtimalı qiymətləndirilməlidir", - söyləyib.
