Almaniyada ilk altı ayda iflaslar 20,5 faiz artıb. İflas hansı sektorları əhatə edir?
Almaniya Federal Statistika İdarəsinin (Destatis) verdiyi açıqlamaya görə, bu ilin ilk yarısında ölkədə 8 min 571 müəssisə iflas elan edib. 2022-ci ilin eyni dövrü ilə müqayisədə iflaslar 20,5 faiz artıb.
Ən çox iflas 54,1 hadisə ilə nəqliyyat və anbar sektorunda qeydə alınıb. Bunu 41,3 hal ilə müvəqqəti məşğulluq agentlikləri də daxil olmaqla digər xidmət sektoru izlədi.
Ən az iflas edən sektor 2,4 hadisə ilə enerji təchizatı sektoru olub.
Şirkətlərin iflas iddiaları ilə bağlı kreditorlara ödənilməsi gözlənilən borc ilk yarıda 13,9 milyard avro olaraq qeyd edildi. Sözügedən borc 2022-ci ilin yanvar-iyun dövründə təxminən 8,2 milyard avro olub.
Yanvar-iyun dövründə korporativ iflaslarla yanaşı, 33 min 140 borclu da müflis olmaq üçün müraciət edib. Sözügedən rəqəm 2022-ci ilin eyni dövrü ilə müqayisədə 1,9 faiz azalıb.
Avqust ayında iflas müraciətləri yüzdə 13,8 artdı
Məlumatlara görə, avqust ayında iflas müraciətləri keçən ilin eyni dövrü ilə müqayisədə 13,8% artıb.
Halle İqtisadi Tədqiqatlar İnstitutunun (IWH) Struktur Dəyişiklikləri və Məhsuldarlıq Departamentinin rəhbəri Steffen Müller, “Çox sayda iqtisadi böhran fonunda problemlər və qeyri-müəyyənlik, önümüzdəki bir neçə ayda əvvəlki ilə nisbətən daha çox iflas sayı gözlənilir", - deyə şərh edib.
Bu arada, Almaniya iqtisadiyyatı artan faiz dərəcələri, zəif qlobal iqtisadiyyat və yüksək inflyasiya səbəbindən üç rüb ardıcıl olaraq inkişaf edə bilməyib. İqtisadiyyat ötən ilin son rübündə 0,4 faiz, ilin birinci rübündə isə 0,1 faiz kiçildiyi halda, ilin ikinci rübündə inkişaf edə bilməyib.
Son illərdə Covid-19 epidemiyası, tədarük zəncirinin pozulması və Rusiya-Ukrayna müharibəsi kimi çoxsaylı böhranlar Almaniya iqtisadiyyatının zəif tərəflərini ortaya çıxarır və Almaniya iqtisadiyyatının böyüməsini daha da çətinləşdirir.
Qlobal inkişafın ləngiməsi, ixracın azalması, yüksək enerji qiymətləri, sənaye istehsalının azalması, istehlakçıların artan inflyasiya ilə mübarizə səyləri də iqtisadiyyata mənfi təsir göstərir.
Beynəlxalq Valyuta Fondunun (BVF) proqnozlarına görə, Almaniya bu il kiçilməsi gözlənilən yeganə G7 ölkəsi olacaq.
