Azərbaycan ət məhsulları ilə özünü nə qədər təmin edə bilir? - CƏDVƏL

2022-ci ildə Azərbaycanda bütün növ ət və ət məhsulları ilə özünütəminetmə səviyyəsi 86% təşkil edib. Dövlət Statistika Komitəsinin məlumatına görə, bu rəqəm 2021-ci ildə 86,4% olub. 

Statistik məlumatlara görə, 2022-ci ildə mal əti və ondan hazırlanan məhsullarla özünütəminetmə səviyyəsi 93%, qoyun əti və ondan hazırlanan məhsullarla özünütəminetmə səviyyəsi 97%, quş əti və ondan hazırlanan məhsullarla özünütəminetmə səviyyəsi isə 78,5% təşkil edib.

2022-ci ildə Azərbaycanda yumurta ilə özünütəminetmə səviyyəsi 100,5% , adambaşına illik istehlak 179 ədəd təşkil edib.

2022-ci ildə Azərbaycanda adambaşına düşən bütün növ ət və ət məhsullarının illik istehlak həcmi 42 kq, o cümlədən mal əti və ondan hazırlanan məhsulların illik istehlak həcmi 15,8 kq, qoyun əti və ondan hazırlanan məhsulların illik istehlak həcmi 9 kq, quş əti və ondan hazırlanan məhsulların illik istehlak həcmi 16,2 kq təşkil edib.

2022-ci ildə Azərbaycana 11,7% az, yəni 11,333 min ton mal əti və ondan hazırlanan məhsullar, 67,7% çox, yəni 2,728 min ton qoyun əti və ondan hazırlanan məhsullar və 14% çox, yəni 37,149 min ton quş əti və ondan hazırlanan məhsullar idxal edilib.

Azərbaycanda heyvandarlıq məhsulları ilə özünütəminetmə səviyyəsi, %-lə