Azərbaycan qaz ixracını 7% artırıb. Bütün ixracın 42%-i Türkiyəyədir

Azərbaycan 2023-cü ilin yanvar-iyul aylarında qaz ixracını 7% artıraraq 13,8 milyard kubmetrə çatdırıb. Energetika Nazirliyinin məlumatıma görə, 2023-cü ilin yanvar-iyul ayları üzrə operativ məlumatlara əsasən, Avropaya 6,6 milyard kubmetr (artım 1,5%, bütün ixracın 47,8%-i), Türkiyəyə 5,8 milyard kubmetr (bütün ixracın 42%-i, artım 20,8%), Gürcüstana isə 1,4 milyard kubmetr qaz (bütün ixracın 10,2%-i, azalma 12,5%) satılıb. Bu müddətdə Türkiyəyə TANAP-la 3,3 milyard kubmetr qaz (artım 3,1%) nəql olunub.

Azərbaycan 2022-ci ildə qaz ixracını 18% - 22,3 milyard kubmetrə qədər artırıb. Avropaya 11,4 milyard kubmetr qaz (39% çox) ixrac edilib.

2023-cü ildə Azərbaycandan təbii qazın ixracı 24,5 milyard kubmetr həcmində planlaşdırılır, bunun 12 milyard kubmetrə qədəri Avropaya nəql olunacaq.

Hazırda Avropada Azərbaycan qazının alıcıları İtaliya, Yunanıstan, Bolqarıstan və Rumıniyadır.