Türkiyədə aviareyslər bahalaşdı – QİYMƏTLƏR
Türkiyədə bu yay ikinci dəfə daxili reyslər üçün maksimum qiymət səviyyəsi – 50% artırılaraq 2500 lirəyə qaldırılıb.
Artıq Türk Hava Yollarında bu qiymətə biletlər satışa çıxarılıb.
Bildirilib ki, təyyarədəki yerlərin 15%-i 2500 lirəyə, qalan 85%-i isə 1650 lirəyə satıla bilər.
Qeyd edək ki, daha öncəki artım bir aydan az əvvəl olub – iyulun sonunda qiymətlər 43% qaldırılıb.
Xatırladaq ki, ilk dəfə daxili reyslər üçün maksimum qiymət 2013-cü ildə tətbiq edilib və 299 lirə olub.
