Nasdaq Adenza-nı rekord qiymətə 10,5 milyard dollara alır

Nasdaq, Amerikanın Thoma Bravo investisiya şirkəti ilə ondan bank proqramlarının tərtibatçısı Adenzanın alınması barədə razılığa gəlib. Alış birja operatoruna 10,5 milyard dollara başa gələcək və bu, şirkətin tarixində ən bahalı alışa çevriləcək.

Razılaşmanın şərtlərinə görə, Toma Bravo Nasdaq-ın kapitalının 14,9%-ni alacaq və onun ən böyük səhmdarı olacaq. Bundan əlavə, investisiya şirkəti Nasdaq-ın direktorlar şurasında yer alacaq. Tərəflər altı-doqquz ay ərzində razılaşmanı bağlamağa ümid edirlər.

İndiyədək Nasdaq-ın ən böyük alışları 2007-ci ildə 3,7 milyard dollara OMX, 2020-ci ildə 2,75 milyard dollara Verafin və 2016-cı ildə 1,1 milyard dollara Beynəlxalq Qiymətli Kağızlar Birjası olub.

Adenza-nın satın alınması elanından sonra Nasdaq səhmləri 12% ucuzlaşıb.