ABŞ banklarının qarşısında - YENİ SINAQ
ABŞ-da əmanətçilər daha yüksək gəlirli investisiya alətlərinə üz tutduqları üçün banklar əmanət saxlamaqda çətinlik çəkirlər. Nəticədə banklar yeni bir sınaqla üzləşiblər - borc tavanının dayandırılması qərarından sonra ABŞ Xəzinədarlığının başlatdığı intensiv istiqraz emissiyaları ilə.
ENA.az xarici mətbuata istinadən xəbər verir ki, ABŞ Maliyyə Nazirliyinin 3 və 6 aylıq istiqraz hərraclarına yüksək tələbat olub, ümumi emissiya həcmi isə 123 milyard dollara çatıb.
Bank of America-nın məlumatına görə, bu həftə keçiriləcək istiqraz hərracları dövriyyə təklifini təxminən 90 milyard dollar artıracaq, bu da iyundan dekabr ayına qədər təxminən 1,4 trilyon dollar artım deməkdir.
Bu, 2015-2019-cu ilin eyni dövrü üçün orta məbləğdən yeddi dəfə çoxdur. Bankın strateqləri pul bazarının gəlirlərinin daha sonra 25-40 baza bəndi qədər aşağı düşəcəyini proqnozlaşdırırlar.
Bank of America-nın ABŞ məzənnə strategiyası üzrə direktoru Mark Kabana görə, bu, bank sənayesi üçün yeni çağırışdır: “Biz bilirik ki, bank sistemi təzyiq altındadır və belə bir mühitdə depozit saxlamaq üçün başqa bir problem yaradacaq".
