Motorola milyard rəng dəstəyi olan yeni televizorunu təqdim etdi
Motorola brendi Hindistanda yeni Envision X orta səviyyəli televizorlarını təqdim edib.
Yeni modelə ekran diaqonalı müvafiq olaraq 55 və 65 düym olan iki versiya daxildir. Diaqonalından aslı olmayaraq hər iki versiyada Quantum-Glow və Dolby Vision standartlarını dəstəkləyən 1,07 milyard rəngi əhatə edən QLED-matrisdən istifadə olunur.
Envision X Android-in TV-yə uyğun versiyası olan Google TV platformasında işləyir. Performans üçün cavabdeh dördnüvəli MediaTek prosessoru və 2 GB RAM-dır.
Hər iki yeni məhsul 7 iyun 2023-cü ildə ilk olaraq Hindistanda satışa çıxarılacaq.
