“WhatsApp”a “Telegram”ın funksiyası gəlir - YENİLİK

“WhatsApp” tərtibatçıları “Telegram”da geniş istifadə edilən daha bir funksiyanı öz tətbiqlərinə əlavə edəcək.

ENA.az xəbər verir ki, "WhatsApp" tərtibatçıları "Telegram"da istifadə olunan funksiyani öz tətbiqlərinə əlavə etməyə hazırlaşır. Növbəti yeniləmələrdə mesajlaşma proqramına kanallar əlavə ediləcək.

Kanallar "Telegram"da olduğu kimi eyni prinsiplərlə işləycək. Hər kəs kanala abunə olaraq kanaldan paylaşılan məlumatlara daxil ola bilər. Kanallarda telefon nömrələri və abunə olan istifadəçilərin məlumatları gizli olacaq. Lakin kanallardakı mesajlar "başdan sona" şifrələnməyəcək.

Kanallar artıq "iOS" və "Android" üçün "WhatsApp" proqramının beta versiyalarında mövcuddur. Əgər sınaq uğurlu olarsa, funksiya növbəti yeniləmədə tətbiq ediləcək.