Bayden Putinə səsləndi: Səhv etdin
ABŞ Prezidenti Co Bayden Kiyevdə ukraynalı həmkarı Volodimir Zelenski ilə görüşüb.
ENA.az xəbər verir ki, Bayden özünün "Twitter" hesabında səfərlə bağlı paylaşım edib.
"Ukraynanın demokratiyası, suverenliyi və ərazi bütövlüyünə sarsılmaz sadiqliyimizi bir daha təsdiqlədim”, - Bayden qeyd edib. O bildirib ki, Putin Ukraynanın zəif olduğunu, Qərbin isə parçalandığını düşünməklə dərindən səhv edib.
ABŞ lideri, həmçinin vurğulayıb ki, Ukraynadakı müharibə əsrin son üç rübündə Avropada ən böyük quru silahlı münaqişəsinə çevrilib. Baydenin sözlərinə görə, ukraynalıların döyüş meydanında bundan sonra da qələbələr qazanacağına şübhə yoxdur.
"Reuters"in məlumatına görə, Zelenski Kiyevdə Co Baydenlə uzaqmənzilli silahların tədarükü məsələsini də müzakirə edib.
