Əmlak sahibləri üçün - YENİLİK
Əmlak vergisi bəyannaməsinin tərtib edilməsi qaydası təsdiq olunub.
"BI" Vegilər Nazirliyinə istinadən xəbər verir ki, Vergi Məcəlləsinin 196-cı maddəsinə əsasən, bəyannamə Azərbaycan Respublikasının ərazisində əmlak vergisinin ödəyicisi sayılan vergi ödəyiciləri (hüquqi şəxslər) tərəfindən tərtib və təqdim edilməlidir. Vergi ödəyiciləri bəyannamənin 1-ci bölməsində özü haqqında ümumi məlumat verməli, müvafiq xanalarda əsas fəaliyyət növünün adını dəqiq qeyd etməlidir. Çünki əsas fəaliyyət növünün kodu vergi ödəyicisi tərəfindən doldurulmadığı halda, bəyannamə vergi orqanı tərəfindən qəbul edilmir.
Bundan başqa, qanunvericiliyə edilmiş dəyişikliklərə əsasən, vergi orqanına dəqiqləşdirilmiş vergi bəyannaməsinin və ya kənarlaşmaya dair yazılı izahat barədə bildirişin nömrəsi yazılmalıdır. Vergi ödəyicisi bəyannamədə vergilərin hesablanması ilə bağlı xanaları doldurarkən müvafiq şərtlərə ciddi riayət etməlidir.
Eyni zamanda əmlak vergisi bəyannaməsinə əlavənin tərtib edilməsi qaydası təsdiqlənib
Əlavə əmlak vergisinin bəyannaməsində azadolma və güzəşt məbləği ilə əlaqədar müvafiq göstəricilər olduğu halda tərtib və təqdim edilir. Əlavədə vergidən azad olunan əmlakın dəyəri haqqında məlumatlar, Vergi Məcəlləsinin 199.4.1-ci maddəsinə əsasən: vergidən azad olunan əmlakın dəyəri yazılmalıdır. Əmlak vergisinin bəyannaməsinin əlavəsində məsul şəхslərlə bağlı bütün zəruri məlumatlar yаzılmаqlа оnlаr tərəfindən imzаlаnıb möhürlə təsdiqlənməlidir.
