Zakir Həsənova daha bir müavin təyin oluna bilər

Xəbər verdiyimiz kimi, dünən Azərbaycan Respublikasının müdafiə nazirinə yeni müavin təyin edildihyi məlum olub.

Ölkə Prezidentinin 09.12.2022-ci il tarixli sərəncamı ilə Aqil Səlim oğlu Qurbanov müdafiə nazirinin hərbi-texniki təchizat üzrə müavini vəzifəsinə gətirilib.

Bu təyinatdan sonra müdafiə naziri, general-polkovnik Zakir Həsənovun müavinlərinin sayı 6-ya çatıb.

Amma nazir müavinlərinin sayı 7 də ola bilər.

ENA.az-ın Müdafiə Nazirliyinin saytına əsasən verdiyi məlumata görə, hazırda müdafiə nazirinin müavini – şəxsi heyət baş idarəsinin rəisi vəzifəsi boş göstərilib. Bu isə o deməkdir ki, Müdafiə Nazirliyindən daha bir nazir müavini təyinatının şahidi ola bilərik.

Xatırladaq ki, adlarını qeyd etdiyiminz 6 nazir müavini aşağıdakı sahələrə cavabdehdirlər:

General-polkovnik Kərim Vəliyev - 23.07.2021-ci il tarixindən müdafiə nazirinin birinci müavini – Azərbaycan Ordusunun Baş Qərargah rəisi vəzifəsinə təyin edilib.

General-leytenant Nizam Osmanov - 23.07.2021-ci il tarixindən müdafiə nazirinin müavini – Maddi-Texniki Təminat Baş İdarəsinin rəisi vəzifəsinə təyin edilib.

General-leytenant Ənvər Əfəndiyev - 23.07.2021-ci il tarixindən müdafiə nazirinin müavini – Quru Qoşunların komandanı vəzifəsinə təyin edilib.

General-polkovnik Kərəm Mustafayev - 14.05.2014-cü il tarixindən müdafiə nazirinin müavini - Əlahiddə Ümumqoşun Ordu Komandanı vəzifəsinə təyin olunub.

General-leytenant Ramiz Tahirov - 14.05.2014-cü il tarixindən müdafiə nazirinin müavini - Hərbi Hava Qüvvələrinin Komandanı vəzifəsinə təyin olunub.

Aqil Qurbanov - 09.12.2022-ci il tarixindən müdafiə nazirinin hərbi-texniki təchizat üzrə müavini vəzifəsinə təyin edilib.