Avropa Komissiyası Rusiyaya pilotsuz vasitələrin ixracını qadağan edib
Rusiyaya ikili təyinatlı pilotsuz vasitələr və onların komponentlərinin ixracı qadağan edilir.
Bu barədə Avropa Komissiyasının prezidenti Ursula fon der Lyayen məlumat verib.
Diplomat bildirib ki, bu qadağa Rusiyaya qarşı 9-cu sanksiyalar paketində yer alır. Qadağa siyahısına Rusiyanın hərbi sənaye kompleksinin ehtiyacı olan elektronika avadanlığı da daxil edilib.
Avropa liderləri yeni sanksiyalar paketini gələn həftə Brüsseldə müzakirə edəcək.
