Mənbə: DTX Naxçıvanın Dövlət Gömrük Komitəsində araşdırmalar aparır
Azərbaycan Respublikası Dövlət Təhlükəsizliyi Xidmətinin (DTX) əməkdaşları Naxçıvan Muxtar Respublikası Gömrük Komitəsində araşdırmalara başladığı bildirilir.
ENA.az bunu Oxu.az və Bakudays.com saytlarına istinadla xəbər.
Mənbələr qeyd edirlər ki, hazırda muxtar respublikanın Dövlət Gömrük Komitəsinin bəzi əməkdaşları Komitə binasında saxlanılaraq DTX müstəntiqləri tərəfindən dindirilirlər.
“Binada axtarışlar aparılır”- deyə mənbə bildirir.
Əlavə edilir ki, Naxçıvan gömrük rəsmilərinin milyonlarla dəyərində qaçaqmalçılıqda iştirakı və büdcə pullarının yeyintisi araşdırılır.
***
ENA.az daha bir mənbəyə – “APA”ya istinadən xəbər verir ki, hazırda Dövlət Təhlükəsizliyi Xidməti (DTX) tərəfindən Naxçıvan MR-in sərhəd gömrük məntəqələrində istintaq hərəkətləri aparılır.
