Kreml “Şimal axını” ilə bağlı problemlərə görə təəssüflənir, Almaniya isə heç bir problem olmadan qazın kəsildiyini deyir

Kreml “Şimal axını” ilə bağlı problemlərdən təəssüfləndiyini bildirib, lakin bütün məsuliyyətin tamamilə Avropanın üzərinə düşdüyünü qeyd edib.

"Təmir işlərinin necə aparılacağını deyə bilmirik, çünki sanksiyalar buna mane olur. "Qazprom” dəfələrlə Avropa qitəsinin enerji təhlükəsizliyinin qarantı kimi və hətta daha geniş kontekstdə etibarlılığını təsdiqləyib, lakin tətbiq edilən sanksiyalar, daha doğrusu, Aİ , Böyük Britaniya, ABŞ və Kanada, onlar faktiki olaraq pozdular, turbin komponentləri və nasosla təmin edən birləşmələrə texniki xidmət sistemini yararsız hala saldılar”, - Rusiya prezidentinin mətbuat katibi Dmitri Peskov Şərq İqtisadi Forumu çərçivəsində jurnalistlərə bildirib.

Bundan əlavə, o qeyd edib ki, sanksiyalarla bağlı hüquqi problemlər var, əlavə təminatlar tələb olunur, bunlar təmin edilmir.

"Məhz bütün bu vəziyyət həm təchizatçı kimi Qazpromu, həm də qaz alıcısı kimi Avropa ölkələrini elə vəziyyətə gətirib ki, yalnız bir işləyən turbin var. Bizim texniki reqlamentimizə görə, potensial təhlükəli vəziyyət yaranıb", deyə Peskov bildirib.

"İşlər necə gedəcək? Yəqin ki, texnoloji baxımdan "Qazprom"un nümayəndələrindən soruşmaq daha yaxşıdır. Amma bir daha vurğulamaq istəyirəm - təəssüflə bildiririk ki, bu vəziyyətə görə məsuliyyət tamamilə Avropa dövlətlərinin və ona qarşı sanksiyalar tətbiq edən dövlətlərin üzərinə düşür”, - sözçü əlavə edib.