Vəzifəlilərdən xidməti avtomobillər alınacaq və satılacaq
Mərkəzi və yerli icra hakimiyyəti orqanlarında, publik hüquqi şəxslərdə və dövlət şirkətlərində bir sıra vəzifəli şəxslərdən xidməti avtomobilin alınması nəzərdə tutulur.
"BI" xəbər verir ki, Prezident İlham Əliev "Azərbaycan Respublikasında bir sıra dövlət orqanlarının strukturunun optimallaşdırılması və idarə edilməsinin təkmilləşdirilməsi ilə bağlı əlavə tədbirlər haqqında" Fərman imzalayıb.
Fərmana görə, Nazirlər Kabineti, mərkəzi və yerli icra hakimiyyəti orqanlarında, dövlət adından yaradılan publik hüquqi şəxslərdə və səhmlərinin (paylarının) nəzarət zərfi dövlətə məxsus olan hüquqi şəxslərdə xidməti nəqliyyat vasitələri ilə təmin edilməli vəzifələrin siyahısını Azərbaycan Respublikasının Prezidenti ilə razılaşdırmaqla müəyyən etməlidir.
- Eləcə də bax: Prezident Administrasiyasına "qənaət tapşırığı"
Müəyyən olunacaq siyahıdan kənarda qalan vəzifələrdə işləyən şəxslərə xidmət edən xidməti nəqliyyat vasitələrinin mərkəzi və yerli icra hakimiyyəti orqanlarının, dövlət adından yaradılan publik hüquqi şəxslərin və səhmlərinin (paylarının) nəzarət zərfi dövlətə məxsus olan hüquqi şəxslərin balanslarından çıxarılaraq özəlləşdirilməsi üçün Azərbaycan Respublikasının Əmlak Məsələləri Dövlət Komitəsinə təqdim ediləcək.
- Eləcə də bax: Prezidentdən televiziyalarla bağlı - SƏRƏNCAM
