Neft Fondunun dividend gəlirləri 2 dəfə artıb

2021-ci ildə Dövlət Neft Fondu (ARDNF) 513,091 milyon manat dividend gəlirləri əldə edib.

Fondun maliyyə hesabatına əsasən, bu, 2020-ci illə müqayisədə 50,5% çoxdur.

Xatırladaq ki, ARDNF 2021-ci ili 1 milyard 556,203 milyon manat xalis mənfəətlə başa vurub, bu 2020-cu illə müqayisədə 3,45 dəfə azdır.

Bununla belə, qurumun bölüşdürülməmiş mənfəəti 3,9 % artaraq 41 milyard 825,204 milyon manata çatıb.

Ötən il ARDNF-in əməliyyat gəlirləri 1 milyard 568,011 milyon manat (əvvəlki ilə nisbətən 3,4 dəfə az), əməliyyat xərcləri 74,192 milyon manat (15,2 % az), birgə müəssisələrin vergidən sonrakı maliyyə nəticələrində pay hesabına gəlirləri 66,78 milyon manat (2 dəfə çox), mənfəət vergisi ödəmələri isə 4,396 milyon manat (əvvəlki il qənaət edib) təşkil edib.

Bu il yanvarın 1-nə ARDNF-in aktivləri 76 milyard 917,411 milyon manat olub ki, bu da, illik müqayisədə 3,4 % çoxdur. Hesabat dövründə Fondun öhdəlikləri 8,9% azalaraq 584,978 milyon manata, balans kapitalı isə 3,5% artaraq 76 milyard 332,433 milyon manata çatıb.