Axtar

Ordumuz antiterror əməliyyatına başladı - Şəhidimizin qisası alındı

Bu gün Azərbaycan Ordusu tərəfindən antiterror əməliyyatı keçirilib.

ENA.az erməni mediasına istinadən xəbər verir ki, əməliyyat nəticəsində 4 silahlı məhv edilib, azı 15 separatçı yaralanıb.

Bundan əvvəli xəbərlərdə 8 terrorçunun yaralandığı, 3-nün öldüyü bildirilirdi.

Məlumata görə, antiterror əməliyyatına Rusiya sülhməramlı kontingentinin müvəqqəti yerləşdiyi Azərbaycan ərazisindəki qeyri-qanuni erməni silahlı dəstələrinin növbəti dəfə atəşkəsi pozmasından sonra başlanılıb.

Qeyd edək ki, Rusiya sülhməramlı kontingentinin müvəqqəti yerləşdiyi Azərbaycan ərazisindəki erməni separatçıları bu gün səhər saatlarında Laçın rayonu istiqamətində yerləşən Ordumuzun bölmələrinin mövqelərini intensiv atəşə tutub. Separatçıların təxribatı nəticəsində əsgər Kazımov Anar Rüstəm oğlu aldığı güllə yarasından şəhid olub. 

Əlaqə

Email : enanewsaz@gmail.com

Tel : +994 70 500 12 33