"Moskva" kreyserinin batması ilə bağlı yeni iddia: Buna ABŞ-ın kəşfiyyat məlumatı səbəb olub
ABŞ mətbuatından gündəmə yeni iddia gəldi. ABŞ kəşfiyyatının paylaşdığı kəşfiyyat məlumatlarının Ukrayna ordusuna Rusiyanın "Moskva" kreyserini batırmağa kömək etdiyi iddia edilib. 510 nəfərlik heyətlə idarə olunan raket kreyseri olan "Moskva" İkinci Dünya Müharibəsindən sonra müharibədə batan ən böyük rus döyüş gəmisi idi.
Hələ Rusiyanın Qara dənizdəki flaqmanı olan Ukrayna kreyserinin necə vurulduğunu barədə söhbətlər davam edir.
YENƏ ABŞ-DAN KƏŞFİYAT MƏLUMATI
NBC xəbər kanalının ABŞ rəsmilərinə əsaslandığı xəbərdə, ABŞ kəşfiyyatının məlumatları əsasında Ukrayna ordusu Rusiyanın kreyser gəmisi vura bilib. Ukrayna qüvvələrinin amerikalılara Odessanın cənubunda Qara dənizdə üzən gəmi ilə bağlı sual verməsindən sonra hadisənin baş verdiyi iddia edilən xəbərdə iddia edilir ki, ABŞ kəşfiyyatı gəminin Moskva olduğunu təsbit edib, yerini təsdiqləməyə kömək edib, daha sonra ukraynalıların gəmini hədəf alıblar. Digər tərəfdən, ABŞ-ın Ukraynanın Moskvanı hədəf alacağını əvvəlcədən bilmədiyi və hücum qərarına müdaxilə etmədiyi də söylənilir. Sadəcə ABŞ Rusiya gəmilərindən gələn hücumları da aşkarlayıb və bunu Ukrayna ilə paylaşıb.
PENTAQON ŞƏRH VERMƏKDƏN YAYINIR
ABŞ-ın Müdafiə Nazirliyi (Pentaqon) "Moskva" gəmisi ilə bağlı şərh verməkdən çəkinir, baxmayaraq ki, Amerika kəşfiyyatının real vaxtda məlumatı paylaşdığını təsdiqləyir. Ekipaj daşıyan idarə olunan raket kreyseri olan Moskva Rusiyanın Qara Dəniz Donanmasının flaqmanı idi və İkinci Dünya Müharibəsindən sonra döyüşlərdə batmış ən böyük Rusiya hərbi gəmisi idi. ABŞ aprelin 14-də gəminin iki Neptun gəmi əleyhinə raketi ilə vurularaq batdığını açıqlamışdı.
Eyni zamanda, Ukraynanın hücumları zamanı azı 12 yüksək rütbəli rus zabiti həlak olub. Dünən “New York Times” qəzeti bunlarda da ABŞ kəşfiyyat məlumatlarının mühüm rol oynadığını yazıb.
