Yelo Bank ağacəkmə kampaniyasında iştirak etdi
Yelo Bank korporativ sosial məsuliyyət çərçivəsində ölkədə ekoloji mühitin inkişafı istiqamətində həyata keçirilən tədbirlərə qatılmağa davam edir.
Bu dəfə 11 aprel tarixində Yelo Bank-ın rəhbər və işçi heyəti “Yaşıl Marafon” ağacəkmə kampaniyasına qatıldılar. Kampaniya çərçivəsində Bakı şəhəri, Müşfiqabad qəsəbəsində yerləşən 50 hektarlıq ərazidə maliyyə assosiasiyalarının iştirakı ilə müxtəlif ağaclar əkildi. Ərazidə həmçinin damla-suvarma sistemi də qurulub.
Qeyd edək ki, Marafon IDEA İctimai Birliyinin, Ekologiya və Təbii Sərvətlər Nazirliyinin və Azərbaycan Banklar Assosiasiyasının (ABA) birgə təşkilatçılığı ilə keçirilib. Marafonda Abşeron yarımadasının torpaq-iqlim şəraitinə uyğun 6000-ə yaxın eldar şamı və zeytun ağacı əkilib.
