İnşaat və əmlak

Azərbaycan bölgələrindəki villaların QİYMƏTLƏRİ

Mövsümündən asılı olmayaraq bəzi rayonlarda evlərin qiyməti həmişə öz bahalığı ilə seçilir. Paytaxtın mənzil fondunun əsas hissəsini mənzillər təşkil edirsə regionlar da bu məsələ fərdi yaşayış evlərinin xeyrinə dəyişir. Regionlar üzrə daşınmaz əmlakın qiymətləri bir qədər fərqlidir.

Parlamentin sonuncu iclasında deputat Vahid Əhmədovun Bakı-Quba yolu ilə bağlı qaldırdığı məsələ regionlarda bahalı evlər, dəbdəbəli villaları gündəmə gətirib. Parlamentari ölkədəki məmurların böyük əksəriyyətinin bölgələrdə, xüsusilə Quba-Qusar-Xaçmazda villaları, bağ evləri olduğunu açıqlamışdı.

Mövzunun akuallığını nəzərə alaraq, məsələ ilə bağlı  "MBA” konsaltinq və qiymətləndirmə şirkətinin baş direktoru, daşınmaz əmlak üzrə ekspert Nüsrət İbrahimova müraciət etdik.

N.İbrahimov  bildirib ki, ötən ay ərzində regionlardakı daşınmaz əmlak bazarında 3.4% artım olub:

“Regionlar üzrə əmlakların qiymətləri müxtəlifdir. Evlərin 1 kvadratmetrin qiyməti 300 manatdan 1000 manat arasında dəyişir. Ucqar mərkəzlərdə 1 kvadratmetrin qiyməti 350 manatdan başlayır. Sumqaytıda 1 kvadratmetr 1000-1100 manat aralığındadır. Gəncədə evlərin 1 kvatradmetri 1000-1050 manat arasındadır, Naxçıvanda isə 1 kvadratmetrin qiyməti 950 manatdır. Quba-Qəbələ-Xaçmaz rayonlarında 1kvadratmetrin qiyməti 600 manat civarındadır. Digər istirahət rayonlarında da evlərin 1 kvadratmetrinin qiymət 600 manatdan başlayır".

 

Ekspert qeyd edib ki, region üzrə ən bahalı əmlakın hansı rayonda olması ilə bağlı bir araşdırma aparılmayıb:

"Bağ evlərinin qiyməti qışa nisbətən yay aylarına 8-10% baha olur. Yay aylarında ən bahalı evlər Mərdəkan, Buzovna və Bilgəh isitiqamətində olur. Aylıq kirayə haqqı 5000 manatadək yüksəlir. Rayonlarda isə kirayə haqqı 250 manatdan başlayır 1000 manatadək qalxır”.

Regionlarda satışa çıxarılmış evlərin qiymətilə bağlı araşdırmanı təqdim edir:

Qubada bahalı evlərin (villalar) qiyməti 33 000 manatdan başlayır 950 000 manata qədər artır.

Qəələdə dəbdəbəli evə sahib olmaq istəsəniz 46 000-900 000 manata sahib olmalısınız.

Xaçmazda villaların qiyməti 85 0000-dən başlayır 1 200 000-ə kimi artır. Həyatyanı kiçik evlərinin qiyməti isə 19 000- 60 000 manat  aralığındadır.

İsmayıllıda həyət evlərinin qiyməti 27 000 manatdan başlayır. Ən bahalı ev isə 500 000 manatdır.

Lənkəranda kiçik sahəli həyət evlərinin qiyməti 19 000 manatdan təklif edilir. Satışa qoyulmuş ən bahalı villa isə 1 000 000 manatdır.

Lerikdə evlərin qiyməti 33 000 min manatdan başlayır. Satışa qoyulmuş ən bahalı villa 245 000 manatdır.

Göygöldə həyet evlərinin qiyməti 33 000 - 350 000 manat aralığında dəyişir.

Şəkidə satışda qoyulmuş evlərin qiyməti 30 000 manatdan 350 000 manata kimi artır.

 

Ən vacib xəbərləri Telegram kanalımızdan OXUYUN! (https://t.me/enaxeber)

News Department