Polisi döyən deputatı 8 ilədək həbs cəzası gözləyir

Bu gün Milli Məclisdə polisə qarşı zor tətbiq etdiyi üçün barəsində cinayət işi açılan deputat Eldəniz Səlimovun toxunulmazlıq hüququnun ləğv edilməsi barədə Respublika Baş Prokurorunun müraciətinə uyğun qərar çıxarılacaq.

Artıq deputat Eldəniz Səlimov barəsində Cinayət Məcəlləsinin 309.2 (səlahiyyət həddini aşaraq zor tətbiq etmə) maddəsi ilə cinayət işi açılıb. Cinayət işi ilə bağlı ilkin istintaq araşdırma işləri yekunlaşdırılaraq prokurorluğa göndərilib.

Cinayət Məcəlləsinin 309.2. maddəsində nəzərdə tutulmuş əməllər zor tətbiq etməklə və ya zor tətbiq etmə hədəsi ilə törədildikdə, yaxud silah və digər xüsusi vasitələrdən istifadə etməklə törədildikdə və ya ağır nəticələrə səbəb olduqda – üç ilədək müddətə müəyyən vəzifə tutma və ya üç ildən səkkiz ilədək müddətə azadlıqdan məhrum etmə ilə cəzalandırılır.

Onun barəsində çıxarılacaq cəza məhkəmə-istintaqı zamanı bəlli olacaq. Deputatı ən azı 2,6 aydan az azadlıqdanməhrumetmə cəzası gözləyir.