Neft bahalaşmaqda davam edir
Müxtəlif ölkələrdə koronavirusla bağlı karantin məhdudiyyətlərinin yumşaldılması nəticəsində neftə tələbatın artması "qara qızılı"ın qiymətinə təsirsiz ötüşməyib.
ENA.az xəbər verir ki, bu gün Bakı vaxtı ilə saat 9-a olan vəziyyətə görə, “Brent” markalı neftin avqust fyüçersləri 0,09 faiz bahalaşaraq 75,63 ABŞ dollarından, WTI markalı neftin avqust fyüçersləri də 0,08 faiz bahalaşaraq 73,36 dollardan satılıb. Həftə ərzində sözügedən markalar müvafiq olaraq 2,9 faiz və 2,4 faiz bahalaşıb.
Ekspertlərin fikrincə, tələbatın sürətlə artması müqabilində təklif hələ də əvvəlki səviyyədə qalması də qiymətlərə müsbət təsir göstərən amillərdəndir. Belə ki, OPEC+ formatının gələn həftə keçiriləcək görüşündə hasilatı artırmaq qərarları gözlənilir.
