Üç ölkənin xarici işlər nazirləri Azərbaycana səfər edəcək
Rumıniya, Avstriya və Litvanın xarici işlər nazirləri Azərbaycana səfər edəcək.
Bu barədə Rumıniya XİN başçısı Boqdan Auresku özünün “Twitter” hesabında paylaşım edib.
Avropa İttifaqının (Aİ) Xarici siyasət və Təhlükəsizlik məsələləri üzrə Ali Nümayəndəsi Cozef Borelin mandatı əsasında sözügedən ölkələrin XİN başçıları iyunun 22-24-də Ermənistan, Azərbaycan və Gürcüstana səfər edəcək.
