“Canoo” startapı elektrikli pikapın layihəsini TƏQDİM EDİR
Kaliforniyanın “Canoo” startapı yeni elektrikli pikapının konseptini təqdim edib. Verilən məlumata görə, bu avtomobili artıq 2021-ci ildə sifariş etmək mümkün olacaq.
ENA.az bu barədə “VC.ru”ya istinadən xəbər verir.
“Canoo” şirkəti pikapını 2023-cü ildə buraxmağı planlaşdırır – o vaxta qədər şirkət “Tesla”, “Hummer”, “Ford F-150” və “Rivian” ilə rəqabət etməli olacaq.
Hal-hazırda startap “mikrofabrik” yaratmaq üçün digər ştatlarla danışıqlar aparır, istehsalçı avtomobillərini orada yığmağı planlaşdırır.
Qeyd edək ki, pikap bir neçə açılıb-bağlanan səthə malikdir. Ən bahalı model 200 mil (320 km), ən büdcəli model isə 100 mil (160 km) məsafə hərəkət edə biləcək.
“Canoo” – 2017-ci ildə qurulan elektromobil istehsalçısıdır. Şirkət ilk elektrikli avtomobilini 2019-cu ilin sentyabrında təqdim etmişdir.
