Xiaomi Azərbaycanda satışlarını artırır, Samsung satışları isə azalır
Azərbaycanın mobil qurğular bazarında “Samsung”un payı fevral ayında 44.05 % təşkil edib.
ENA.az “Global Stats” statistika mərkəzinə istinadən xəbər verir ki, yanvar ayı ilə müqayisədə Azərbaycanın mobil qurğular bazarında “Samsung”un bazar payı 0.66% azalıb.
Bu dövrdə “Xiaomi” şirkətinin daxili bazar üzrə məhsullarının payı isə 32.95 % təşkil edib ki, ötən ilin dekabr ayı ilə müqayisədə bu göstərici 1.5% çoxdur.
Üçüncü yerdə isə bazar payı 13.68 % olmaqla “Apple” şirkətinin məhsulları qərarlaşıb ki, bu şirkətin Azərbaycan üzrə bazar payı yanvar ayı ərzində 1.04% azalıb.
Bizi Telegram-dan izləyin! https://t.me/s/enaxeber
