Hazırda 4 və 5 ulduzlu region otellərində istirahət qiymətləri - 70 MANAT...

Koronavirus pandemiyası dövründə və turizm mövsümünün olmadığı bir vaxtda region otellərində istirahət qiymətləri ilə maraqlandıq.

"GREENWICH Travel Club"dan Marja-ya verilən məlumata görə, hazırda regionlardakı 4 və 5 ulduzlu otellərdə 1 gecəlik ikinəfərlik otaqda qalma qiymətləri 70-118 manat civarındadır.

Şəkidə yerləşən 5 ulduzulu "Marxal Resort & SPA"da 1 gecəlik ikinəfərlik standard otaqda qalmaq qiyməti 118 manatdır. Qiymətə səhər yeməyi daxildir.

Nabranda yerləşən 5 ulduzulu "River İnn Hotel"də 1 gecəlik ikinəfərlik standard otaqda qalmaq qiyməti 118 manatdır. Qiymətə səhər yeməyi, SPA (Türk hamamı, hovuz) xidmətlər daxildir.

Mingəçevirdə yerləşən 4 ulduzlu "Ağsaray Deluxe & SPA Hotel"də 1 gecəlik ikinəfərlik delüks otaq 108 manatdır. Qiymətə səhər yeməyi daxildir.

Astarada yerləşən 4 ulduzlu "Maricel Astara Resort"da həftə içi 1 gecəlik ikinəfərlik otaq 70 manat, həftə sonu isə 80 manatdır. Qiymətə səhər yeməyi daxildir.

İsmayıllıda yerləşən 4 ulduzlu "Talıstan Forest Park"da 1 gecəlik ikinəfərlik bir yataqlı kotecdə qalmaq 80 manatdır. Səhər yeməyi yerində qonaq tərəfindən alınır.

Qiymətlər fevral və 10 marta qədər qüvvədədir (8 mart istisna). Otellər sanitar və epidemioloji cəhətdən təhlükəsizliyi qoruyur.