“Tesla” “bitcoin” kriptovalyutasına $1.5 mlrd. sərmayə qoydu
İlon Maska məxsus olan “Tesla” şirkəti mənfəətini şaxələndirmək məqsədi ilə 2021-ci ilin yanvar ayında investisiya siyasətini yeniləyib. Bu barədə “Tesla”nın SEC üçün hazırladığı sənədlərdə deyilir.
Bu siyasət çərçivəsində elektrik avtomobil istehsalçısı pulun bir hissəsini alternativ ehtiyat aktivlərinə, o cümlədən rəqəmsal aktivlərə, qızıla və s. yatıra bilər. Şirkət o vaxtdan bəri “bitcoin” kriptovalyutasına 1.5 milyard dollar sərmayə qoyduğunu bildirib.
ENA.az bu barədə “TASS”a istinadən xəbər verir.
“Siyasətimizə uyğun olaraq “bitcoin” kriptovalyutasına ümumilikdə 1.5 milyard dollar sərmayə qoyduq. Üstəlik, yaxın gələcəkdə ödəniş forması kimi kriptovalyutadan istifadə etməyi planlaşdırırıq”, – deyə şirkətin hesabatında deyilir.
