Rəcəb Tayyib Ərdoğanla İlon Mask əməkdaşlıq məsələsini müzakirə etdilər
Türkiyə prezidenti Rəcəb Tayyib Ərdoğanla “SpaceX” şirkətinin banisi və baş direktoru İlon Mask arasında telefon danışığı olub.
“ENA” xəbər verir ki, bu barədə Türkiyə Prezidentinin İctimaiyyətlə əlaqələr üzrə İdarəsinin məlumatında deyilir.
Qeyd edilir ki, Türkiyə prezidenti və şirkət rəhbəri əməkdaşlıq məsələlərini müzakirə ediblər. Danışıqlar zamanı əsasən Türkiyənin və “SpaceX” şirkətinin şəxsiləri ilə müxtəlif sferalarda, ilk növbədə kosmik texnologiyalar sahəsində əməkdaşlıq müzakirə mövzusu olub.
