“Paris qondarma “DQR”i tanımır” - Fransa XİN
Fransanın Xarici İşlər Nazirliyi ölkə Senatının qondarma “Dağlıq Qarabağ respublikasının” tanınmasına dair qətnamə layihəsinin qəbuluna münasibət bildirib.
Bu barədə Fransa XİN-nin bəyanatına istinadən xəbər verilir.
“Fransa Senatında qondarma “Dağlıq Qarabağ respublikasının” tanınmasına dair qətnamə layihəsi qəbul olunub. Səsvermə öncəsi aparılan müzakirələr zamanı Xarici İşlər Nazirliyinin dövlət katibi Jan Batist Lemuan hökumətin bu mövzuda tutduğu mövqeyi xatırladıb. Xarici İşlər Nazirliyi “Dağlıq Qarabağ Respublikası”nı tanımır”-deyə, bəyanatda qeyd olunub.
