DİN: Açıq havada siqaret çəkənlər 100 manat cərimələnəcək
“Açıq havada maskasını çıxararaq siqaret çəkən şəxslər də cərimə ediləcək”.
Bunu açıqlmasında Daxili İşlər Nazirliyinin (DİN) Mətbuat Xidmətinin rəisi, polis polkovniki Ehsan Zahidov deyib.
Eləcə də bax: Avtomobildə olarkən maska taxılmalıdırmı? - DİN-dən AÇIQLAMA
“Açıq havada maska taxmaq mütləq vacibdir. Bu, Nazirlər Kabinetinin qərarında qeyd olunub. Günü-gündən xəstəxanalarda koronavirus xəstələrinin sayı artır. Hər kəs zəhmət çəkib, maskadan istifadə etsin. Artıq açıq havada maskasını çıxararaq siqaret çəkən şəxslər 100 manat məbləğində cərimələnir”, - E.Zahidov əlavə edib.
Eləcə də bax: DİN: Yaşadığı evin kandarına maskasız çıxan şəxs cərimələnəcək
Qeyd edək ki, qanunvericiliyə əsasən, epidemiya əleyhinə rejim, sanitariya-gigiyena və karantin rejimləri dövründə fərdi qoruyucu vasitələrdən istifadə ilə bağlı müəyyən edilən tələblərin pozulmasına görə fiziki şəxslər 100 manat, vəzifəli şəxslər 200 manat, hüquqi şəxslər 400 manat məbləğində cərimə edilir.
