Dollar beynəlxalq ödəmələrdə zirvədən düşdü

SWIFT hesablaşma sisteminin məlumatlarına görə, ABŞ dolları 2013-cü ildən bəri ilk dəfə avroya birinci yeri verərək dünya hesablaşmalarındakı liderliyini itirdi.

Oktyabr ayında beynəlxalq ödəmələrdə avronun payı, 2019-cu ilin sonundan bəri 6 faiz bəndi artaraq 37,82% təşkil edib. Dolların payı isə 4.6 faiz bəndi azalaraq 37.64% -ə düşüb.

SWIFT xəbər verir ki, üçüncü və dördüncü yerləri funt sterlinq və yen, Kanada dolları tutur. Keçən ay funt, yen və Kanada dolları beynəlxalq ödəmələrin cəmi 12,25% -ni təşkil edib.

Yuanın payı aprel ayından bəri ən aşağı olan 1.66% -ə düşüb. Swift bu məlumatların monitorinqinə başladığı 2010-cu ilin oktyabrında Çin milli valyutası 35-ci yerdəydi və 2014-cü ildə beynəlxalq hesablaşmalarda ən populyar altı valyutadan biri oldu.

Qeyd edək ki, ABŞ dolları hələ də istiqraz yerləşdirmə və xarici borc vermək üçün əsas valyutadır.