“Petkim”in İdarə Heyətinin keçmiş üzvü Türkiyə Mərkəzi Bankının sədri oldu
Türkiyə Mərkəzi Bankının sədri Murat Uysal vəzifəsindən azad edilib.
ENA.az türk mətbuatına istinadən xəbər verir ki, bununla bağlı Prezident Rəcəb Tayyib Ərdoğanın əmr imzalayıb.
Onun digər əmri ilə tənzimləyici quruma rəhbərlik Naci Ağbala həvalə olunub.
O, indiyə qədər Türkiyə prezidentinin administrasiyasında departamentinin rəhbəri işləyib, 2015-2018-ci illərdə Türkiyənin maliyyə naziri olub, 2006-cı ildə isə 1 il müddətinə Azərbaycan Dövlət Neft Şirkətinin (SOCAR) Türkiyədəki yatırımı sayılan "Petkim" neft-kimya holdinqinin İdarə Heyətinin üzvü olub.
