Ermənilər Tərtəri atəşə tutur - Mülki vətəndaşımız həlak oldu - FOTO
Ermənistan ordusu cəbhənin Tərtər istiqamətində yaşayış məntəqələrini atəşə tutmaqda davam edir.
Verilən məlumata görə, bir neçə dəqiqə əvvəl düşmənin atdığı mərmilərdən biri Tərtər şəhərinin mərkəzində Avtovağzalın qarşısına düşüb. Nəticədə avtobus dayanacağının qarşısında bir nəfər mülki vətəndaş həlak olub.
Hazırda da Ermənistan Silahlı Qüvvələri tərəfindən Azərbaycanın mülki əhalisinin atəşə tutulması davam edir.
***
Ermənilərin öldürdüyü mülki sakin 1982-cı il təvəllüdlü Həsənov Zabil Məhəmməd oğludur.
Emin Səfərov
