Azərbaycan Ukrayna ilə sərhədlərini açır - uçuşlar bərpa olunur
Ukrayna Beynəlxalq Hava Yolları şirkəti oktyabr 1-dən etibarən Kiyevdən beynəlxalq istiqamətlər üzrə 5 aviareysi bərpa etməyi planlaşdırır.
ENA.az xəbər verir ki, bu barədə şirkətin Mətbuat xidməti məlumat yayıb.
Bildirilib ki, oktyabr 1-dən etibarən şirkət Kiyevdən Brüssel (Belçika), Düsseldorf (Almaniya), London (Böyük Britaniya), Praqa (Çexiya) və Bakı (Azərbaycan) istiqamətlərində uçuşlara başlayacaq.
Həmçinin qeyd olunub ki, 16 sentyabr tarixindən etibarən bilet alan sərnişinlər bileti qüvvədə olduğu müddətdə bir neçə dəfə pulsuz olaraq uçuş tarixini dəyişdirə biləcək.
