Pirşağı-Kürdəxanı-Zabrat kanalizasiya kollektorunun tikintisinə başlanılır
“Azərsu” ASC ölkə prezidentinin 2 iyul 2020-ci il tarixli sərəncamına uyğun olaraq Pirşağı-Kürdəxanı-Zabrat kanalizasiya kollektorunun tikintisi üçün açıq tender elan edib.
ENA.az xəbər verir ki, tenderdə iştirak haqqı 500 manatdır.
İddiaçılar ilkin sənədləri oktyabrın 5-i, saat 16:00-a qədər, tender təklifi və onun dəyərinin 1%-i qədər bank təminatını isə oktyabrın 14-ü, saat 16:00-a qədər səhmdar cəmiyyətinin Bakı şəhəri, Yasamal rayonu, Moskva prospekti, 67 ünvanında yerləşən inzibati binasına - Təchizat və satınalmaların idarə olunması departamentinə təqdim edə bilərlər. Telefon: (012) 431-47-67/87 (daxili 10 33).
Təkliflərə oktyabrın 15-i, saat 16:00-da qeyd olunan ünvanda baxılacaq.
Xatırladaq ki, Pirşağı Tullantı Sutəmizləyici Qurğusu bu ilin sonuna qədər istismara veriləcək. Sözügedən kollektor həmin qurğunun əsas gətirici xəttidir.
