Polis “Fairmont Baku”da əməliyyat keçirdi, saxlanılanlar var - VİDEO-YENİLƏNİB
Xəbər verdiyimiz kimi, Bakının məşhur hotellərindən olan "Fairmont Baku" karantin rejiminin qaydalarına zidd olaraq hovuzu müştərilər üçün açıq edib.
Məlumata görə, hazırda Bakı polisi sözügedən hoteldə əməliyyat keçirir.
Karantin rejimini pozan müştərilərlə yanaşı, hotel rəhbərliyinin də İnzibati Xətalar məcələsinin müvafiq maddəsinə əsasən məsuliyyətə cəlb olunacağı gözlənilir.
Daxili İşlər Nazirliyi yaxın dəqiqələrdə məsələ ilə bağlı rəsmi açıqlama yayacaq.
***
Polisin keçirdiyi əməliyyat nəticəsində "Fairmont Baku" oteldə 10-dan çox şəxs saxlanılaraq Səbail Rayon Polis İdarəsinə aparılıb. Hazırda onlar barəsində araşdırma aparılır və nəticəyə uyğun olaraq hüquqi addımlar atılır. İctimaiyyətə geniş yekun məlumat veriləcək.
