Əməkhaqqı kartlarının azalması insanların iş yerlərini itirdiklərinə işarədir

2020-ci ilin May ayının sonunda Azərbaycanda cəmi ödəniş kartlarının sayı 8 milyon 466 min ədəd təşkil edib.

​ENA.az Mərkəzi Bankın statistikasına istinadən xəbər verir ki, cəmi ödəniş kartlarının sayı 2020-ci ilin yanvar-may ayları ərzində ötən ilin sonu ilə müqayisədə 1 milyon 200 min ədəd artıb. Kartların sayında artımın böyük hissəsi fermer kartlarının və 190 manat birdəfəlik yardımın alınması üçün kartların verilməsi ilə əlaqədardır. Belə ki, ilk 5 ayda sosial kartların sayı 915 min ədəd artaraq 3 milyon 198 min ədədə yüksəlib.  O cümlədən, aprel - may aylarında isə sosial kartların sayında artım 544 min ədəd təşkil edib.

2020-ci ilin Yanvar ayından əməkhaqqı kartlarının sayı azalır. Bu, koronavirus ilə əlaqədar olaraq insanların iş yerlərini itirdiklərinə işarədir.

2020-ci ilin Yanvar ayının sonunda 2 milyon 355 min ədədə çatan əməkhaqqı kartları sonrakı aylar 29  ədəd azalaraq Mayın sonunda 2 milyon 326 min ədədə düşüb.

Əməkhaqqı kartları aprel ayında min ədəd, may ayında isə 7 min ədəd azalıb.

2020-ci ilin yanvar – may dövründə əməkhaqqı və sosial kart olmayan digər debet kartlarının sayı 161 min ədəd artaraq 1 milyon 930 min ədədə, kredit kartlarının sayı isə 115 min ədəd artaraq 912 min ədədə çatıb. 

May ayında sosial kart olmayan digər debet kartlarının sayı 72 min ədəd, kredit kartlarının sayı isə 35 min ədəd artıb. Karantin dövründə kredit kartlarının sayının artması diqqəti cəlb edir.