"Fed lazım olarsa bütün vasitələrini istifadə etməyə hazırdır"
ABŞ Mərkəzi Bankının (Fed) sədri Cerom Pauel (Jerome Powell), bankın İyun yığıncağının ardından açıqlamalar verib.
ENA.az xəbər verir ki, Pauel, Fed-in lazım olduğu müddətcə bütün vasitələrini (alətlərini) istifadə etməyə hazır olduğunu söyləyib və Mayda məşğulluğun toparlandığının görüldüyünü bildirib. Ancaq məlumatlarda Mayda görülən toparlanmaya baxmayaraq işsizlik nisbətinin tarixi yüksək səviyyələrdə olduğunu vurğulayıb.
Pauel, mərkəzi bankın iqtisadiyyatı dəstəkləmək üçün bütün alətlərini istifadə etmək mövzusunda qərarlı olduğunu təkrarlayaraq "Lazım olduğu vəziyyətdə istiqraz alışlarını tənzimləməyə hazırıq" deyib. Pauel, alışların ehtiyaca görə tənzimləyəcəyini və iqtisadi artım ortaya çıxdıqca alətlərin "alət çantasına" geri qoyulacağını söyləyib.
Kredit axışı təmin edilməsinin iqtisadiyyatın işləməsi üçün həyati əhəmiyyətə malik olduğunu vurğulayan Fed sədri, "İnsanlar özlərini etibarda hiss edənə qədər tam bir yığışma mümkün deyil", -bildirib.
İqtisadi yığışmanın ilin ikinci yarısında başlamasının gözlənildiyini ifadə edən Pauel, sonrakı yığıncaqlarda iqtisadiyyatın istiqamətinə dair daha çox ipucu olacağını deyib.
İqtisadiyyatda ciddi qeyri-müəyyənliklər olduğunu söyləyən Pauel, pul siyasətinin yaxşı bir mövqedə olduğunu qeyd edib.
Pauel, "Faiz artırmağı düşünmürük" deyib və Fed-in 2022-ci il üçün faizi proqnozunun 2.1%-dən 0.1%-ə endiyini əlavə edib.
Fed sədri, gələcək aylarda məşğulluqda ciddi bir artım ola biləcəyini ifadə edib.
Bazar funksiyalarında yaxşılaşma olduğunu qeyd edən Fed sədri buna qarşı pandemiya əvvəli səviyyəyə hələ dönülmədiyi söyləyib. Pauel, "Bir çox iş yenidən açılacaq ancaq hər kəs yenidən işlə təmin edilməyəcək" deyib.
