Ramazan Kadırovun “Instagram” hesabı sanksiyalar səbəbindən silinib
Çeçenistan Respublikasının başçısı Ramazan Kadırovun “Instagram” hesabı sanksiyalar səbəbindən silinib. ENA.az xəbər verir ki, bu barədə servisin sahibi “Facebook” da məlumat verib.
“Amerika şirkəti olaraq, biz ABŞ-ın sanksiya qanunvericiliyi çərçivəsində hərəkət edirik və daim qanuni öhdəliklərimizi yerinə yetirmək üçün tədbirlər görürük. Bu vəziyyətdə, əvvəllər etdiyimiz kimi, sanksiyalara məruz qalan şəxsin hesablarını sildik”, – deyə agentliyin həmsöhbəti Kadırovun “Instagram” dakı hesabının bloklanmasının səbəbini şərh edib.
Qeyd edək ki, Kadırov Ukraynadakı vəziyyətlə əlaqədar ABŞ-da, Ai ölkələrində və bir sıra digər dövlətlərdə sanksiyalar altına düşən Rusiya vətəndaşlarından biridir.
