Mayasından ən yaxşı və pis istifadə edən banklar - SİYAHI

17 mart 2020

"Atabank" istisna olmaqla Azərbaycanda fəaliyyət göstərən 29 bank ötən ili 536,9 milyon manat xalis mənfəətlə başa vurub ki, bu da onların bu il yanvarın 1-nə malik olduqları 4 milyard 785,5 milyon manat məbləğində nizamnamə kapitalının 12,2%-i qədərdir.

Ayrı-banklarda isə sözügedən nisbət fərqlidir. Belə ki, 2019-cu ildən mənfəətlə çıxmış 23 bank arasında nizamnamə kapitalından ən yaxşı istifadə edəni "Kapital Bank" ASC olub. Bu bankın əldə etdiyi mənfəət kapitalının 59,6%-ni təşkil edib. Baxmayaraq ki, "Kapital Bank" kapitalının məbləğinə görə, Azərbaycanda 7-ci bankdır.

Fəaliyyət effektivliyinə görə, 2-ci yeri "Bank of Baku" ASC tutub. Bank ötən il nizamnamə kapitalının 46,5%-i qədər mənfəət əldə edib. Xatırladaq ki, "Bank of Baku" kapitalının məbləğinə görə, 29 bank arasında ölkədə 24-cüdir.

Mənfəətinin kapitalına nisbətinə görə 3-cü yerə isə 27,8%-lik göstərici ilə "Bank Respublika" ASC sahib olub. Baxmayaraq ki, "Bank Respublika" nizamnamə kapitalının məbləğinə görə, ölkədə 16-cıdir.

Mənfəətlə işləyən qalan 20 bankdan 8-də sözügedən göstərici 10-25% arasında, 10 bankda 1-10% arasında, 2 bankda isə 0-1% arasında dəyişir.

№	Bankın adı	Bankın illik mənfəətinin / zərərinin nizamnamə kapitalına nisbəti
1	Kapital Bank	59,6%
2	Bank of Baku	46,5%
3	Bank Respublika	27,8%
4	Azərbaycan Beynəlxalq Bankı	24,4%
5	PAŞA Bank	19,5%
6	Unibank	19,1%
7	Express Bank	17,0%
8	Azərbaycan Sənaye Bankı	12,8%
9	Bank BTB	11,3%
10	Rabitəbank	11,0%
11	Bank Avrasiya	10,7%
12	Xalq Bank	9,2%
13	AFB Bank	8,9%
14	Premium Bank	8,5%
15	Yapı Kredi Bank Azərbaycan	7,2%
16	Naxçıvan Bank	6,7%
17	Zıraat Bank Azərbaycan	6,3%
18	Günay Bank	3,3%
19	NBC Bank	2,1%
20	Bank VTB Azərbaycan	1,5%
21	Azər-Türk Bank	1,2%
22	Turan Bank	0,6%
23	Yelo Bank	0,0%
24	AGBank	-2,0%
25	Pakistan Milli Bankı - Bakı	-4,3%
26	Muğan Bank	-8,1%
27	İran Milli Bankı - Bakı	-22,5%
28	Amrah Bank	-28,0%
29	Access Bank	-34,7%
30	Atabank	Açıqlamayıb