Banklarda müştəri hesablarının sayı 38 mindən çox artıb
2020-ci ilin Yanvar ayı ərzində Azərbaycanda fəaliyyət göstərən bankların müştərilərinin sayı 38 min 559 şəxs artaraq 8 milyon 56 min 140 şəxsə çatıb. Ötən ilin yanvarından bəri isə bankların müştərilərinin sayı 1 milyon 208 min 243 şəxs artıb.
Mərkəzi Bankın statistikasına görə, ötən ilin sonu ilə müqayisədə Yanvarda fiziki şəxs müştərilərin sayı 38 min 455 şəxs artaraq 7 milyon 938 min 757 şəxsə, hüquqi şəxs müştərilərin sayı isə 104 şəxs artaraq 117 min 383 şəxsə yüksəlib.
Yanvarda müştəri hesablarının sayı 238 min 897 artaraq 19 milyon 519 min 48-ə çatıb. O cümlədən, cari hesabların sayı 198 min 974 artaraq 16 milyon 290 min 360-a, kredit hesablarının sayı 32 min 466 artaraq 2 milyon 832 min 280-a, depozit hesablarının sayı isə 7457 artaraq 396 min 408-ə yüksəlib.
Ötən ilin Yanvar ayı ilə müqayisədə cari hesabların sayı 2 milyon 477 min 627, o cümlədən fiziki şəxslərin cari hesablarının sayı 2 milyon 440 min 823, hüquqi şəxslərin cari hesablarının sayı isə 37 min 804 artıb. Yanvarın sonunda fiziki şəxslərin cari hesablarının sayı 16 milyon 32 min 348, hüquqi şəxslərin cari hesablarının sayı isə 259 min 12 təşkil edib. Təkcə yanvarda hüquqi şəxslərin hesablarının sayı 1742 artıb.
Azərbaycanda hər hüquqi şəxsə 2,2 cari hesab düşür.
