Sığorta haqqı pullarının 80 faizi 5 şirkətin kassasına daxil olur
Bu ilin yanvar ayında Azərbaycanda toplanılmış 112 milyon 26 min manat sığorta haqqının 90 milyon 64 milyon manatı və yaxud 80,4%-i 5 sığorta şirkətinin payına düşüb.
Azərbaycan Mərkəzi Bankının statistikasına görə, həmin şirkətlər "PAŞA Sığorta" (56 milyon 578 min manat), "PAŞA Həyat Sığorta" (14 milyon 991 min manat), “İpək Yolu Sığorta” (7 miylon 881 min manat), “Qala Sığorta” (6 milyon 976 min manat) və "Atəşgah Sığorta" (3 milyon 638 min manat) ASC-lərdir.
Ay ərzində ən az sığorta haqqı toplamış sığorta şirkətləri isə "AXA MBask" (2 min manat), "Bakı Sığorta" (106 min manat), "Naxçıvan Sığorta” (121 min manat) və “Xalq Həyat Sığorta” (189 min manat) ASC-lərdir. Adları çəkilən şirkətlər ümumilikdə 418 min manat sığorta haqqı toplayıb ki, bu da ümumi yığımların 0,4%-i deməkdir.
Qalan 13 sığorta şirkətinin ümumi yığımları isə 21 milyon 544 milyon manat (19,2%) təşkil edib.
Ödənişlərinin 77%-i 5 şirkətin payına düşür
Bu ilin yanvar ayında Azərbaycanda həyata keçirilmiş 26 milyon 747 milyon manat sığorta ödənişinin 20 milyon 547 min manatı və yaxud 76,8%-i 5 sığorta şirkətinin payına düşüb.
Həmin şirkətlər "PAŞA Həyat Sığorta" (10 milyon 317 min manat), "PAŞA Sığorta" (5 milyon 415 min manat), "Xalq Sığorta" (1 milyon 722 min manat), “Atəşgah Həyat Sığorta” (1 milyon 605 min manat) və “Atəşgah Sığorta” (1 milyon 488 min manat) ASC-lərdir.
Ay ərzində ən az sığorta ödənişi həyata keçirmiş sığorta şirkətləri isə "Xalq Həyat Sığorta" (0 manat), "Naxçıvan Sığorta" (0 manat), "İpək Yolu Sığorta" (7 min manat), "Bakı Sığorta" (19 min manat) və "Amrah Sığorta" (47 min manat) ASC-lərdir. Adları çəkilən şirkətlər ümumilikdə 73 min manat sığorta ödənişi həyata keçirib ki, bu da ümumi ödənişlərin 0,3%-i deməkdir.
Qalan 12 sığorta şirkətinin ümumi ödənişləri isə 6 milyon 127 min manat (22,9%) təşkil edib.
