İran Azərbaycanla ticarəti milli valyutalarla aparmaq istəyir
"İran Azərbaycana ticarətim milli valyutalarla aparılmasını təklif edir".
ENA.az xəbər verir ki, bunu İranın Xarici İşlər Naziri Məhəmməd Cavad Zərif Bakıda Azərbaycanın informasiya agentliklərinin baş redaktorları və siyasi ekspertlərlə görüşündə deyib.
Nazir qeyd edib ki, ötən ili iki ölkə arasında ticarət dövriyyəsinin dəyəri 74% artıb, bu ilin ilk 9 ayında da ticarət əməliyatlarında artım olub: “ABŞ-ın İrana tətbiq etdiyi sanksiyalara rəğmən ikitərəfli əlaqələrin inkişaf etdirilməsi ticarətin milli valyutada aparılmasına yaxşı şərait yaradır. Bununla regiondan kənar qüvvələrdən asılılığını azalda bilərik. Azərbaycanın iqtisadi təhlükəsizliyi həm də İranın iqtisadi təhlükəsizliyi deməkdir. Bu səbəbdən fürsətlərdən maksimum istifadə etməliyik”.
Bundan başqa, onun sözlərinə görə, son illər iki ölkə arasında iqtisadiyyatın digər sahələri, o cümlədən turizm sahəsində əlaqələrin inkişafı nəzərə çarpır.
