“Məndən heç nə soruşmayın” - Baş Nazirin 74 yaşlı 1-ci müavini
Prezident İlham Əliyev Baş Nazirin müavinləri Əli Həsənov və Hacıbala Abutalıbovu istefa ərizələri ilə bağlı qəbul edərkən onların bu qərarlarının hökumətdə olan digər yaşlı məmurlar üçün də nümunə olacağına inandığını deyib.
Prezidentin bu bəyanatından sonra sosial şəbəkələrdə yaşlı məmurların adları açıqlanır. Həmin şəxslərdən biri də Baş Nazirin birinci müavini Yaqub Eyyubovdur.
Eləcə də bax: Əli Həsənov Baş Nazirin müavini vəzifəsindən azad edildi - SƏRƏNCAM
Eləcə də bax: Prezident Hacıbala Abutalıbovu vəzifəsindən azad etdi - SƏRƏNCAM
Bəs görəsən, 74 yaşlı Yaqub Eyyubov Prezidentin bu çağırışına qoşulmaq istəyirmi?
ENA.az xəbər verir ki, Gununsesi.org bu sualla Baş Nazirin birinci müavininə müraciət edib.
Yaqub Eyyubovun suala cavabı isə qısa olub: “Məndən bu barədə heç nə soruşmayın. İşdən azad olunan şəxslərlə bağlı da hər hansı bir şərhim yoxdur”.
