"Etdiyin təhdidlər məsələsində diqqətli ol İran"
ABŞ Prezidenti Donald Tramp, İranın zənginləşdirilmiş uran ehtiyatı barədə son addımına "Twitter" hesabından daha bir reaksiya göstərib.
ENA.az xəbər verir ki, Tramp açıqlamasında, "İran yeni bir xəbərdarlıq yayıb. Ruhani, "əgər yeni bir nüvə müqavilə yoxdursa zənginləşdirilmiş uranın miqdarını istədikləri miqdarda artıracaqlarını" deyir. Etdiyin təhdidlər məsələsində diqqətli ol İran; O təhdidlər daha əvvəl heç olmadığı qədər qayıdıb yenə sənə zərər verə bilər", - ifadələrini istifadə edib.
İran rəhbərliyi, zənginləşdirilmiş uran məhdudiyyətini nüvə müqaviləsində göstərilən 300 kiloqram ehtiyat məhdudiyyətinin üzərinə çıxardığını bildirmişdi. İranın yarı rəsmi xəbər agentliyi "Fars"ın xəbərində, Tehran rəhbərliyinin 3,67 faiz zənginləşdirilmiş uran səviyyəsini nüvə müqaviləsində müəyyən edilən 300 kiloqram ehtiyat məhdudiyyətinin üzərinə çıxardığı qeyd edilmişdi.
ABŞ Prezidenti Donald Tramp, İrana, "Odla oynayırlar", - ifadəsilə reaksiya göstərmiş, Ağ Ev və ABŞ Xarici İşlər Nazirliyi də ayrı-ayrı bəyanatlarla İranın qərarını pisləmişdi.
Donald J. Trump✔@realDonaldTrump
Iran has just issued a New Warning. Rouhani says that they will Enrich Uranium to “any amount we want” if there is no new Nuclear Deal. Be careful with the threats, Iran. They can come back to bite you like nobody has been bitten before!
