Türk Lirəsi üçün növbəti kritik gün
Bu gün Bakı vaxtı ilə saat 15:00-da Türkiyə Mərkəzi Bankı faiz qərarını açıqlayacaq. Bazarlar bu qərara da fokuslanıb.
İlin əvvəlində inflyasiyada geriləmə olacağı proqnozu ilə İyunda faiz endirimi olacağı gözləntisi gündəmə gəlmişdi. Aprel ayı yığıncağında Mərkəzi Bankın pul siyasəti mətnindən "ehtiyac duyulması halında əlavə sərt tədbirlər görülə bilər" ifadəsinin çıxardılması da İyunda faiz endirimi olacağı gözləntilərini qüvvətləndirmişdi.
Ancaq əksər mütəxəssis inflyasiya, Türk Lirəsi və bir sıra qeyri-müəyyənliklər səbəbilə bankın bu toplantını da pas keçəcəyini gözləyirlər.
Mərkəzi Bankın bu həftəki yığıncağı İstanbul seçkiləri əvvəli son yığıncaq olması baxımından da mühümdür.
"Bloomberg"in 19 təşkilatla apardığı sorğuya görə, "QNB Finansbank" 50 bənd faiz endirimi gözləyərkən, digər təşkilatlar aizin dəyişməyərək 24%-də qalacağını gözləyirlər.
"GƏLƏCƏK YIĞINCAQLARDA OLA BİLƏR"
"Özyeğin" Universitetindən Gizem Öztok Altınsaç bildirib: "TL sakitləşmiş vəziyyətdədir. TL-ni narahat edəcək risk etməyə ehtiyac yoxdur. Seçki əvvəlində necə bir 2 həftə keçirəcəyimizi bilmirik. Həm də İyun inflyasiyasını da görək. İnflyasiya 20%-dən aşağı düşüb. Gərək 18%-dən aşağıları görək. Qarşıdakı yığıncaqlarda faiz endirimi ola bilər"
"MÜHİT YARANIR"
"Ata Yatırım"ın direktoru Cem Tözge bu yığıncaqda faizlər sabit saxlansa belə Mərkəzi Bankın iyul yığıncağına dair hansı mesajlar verəcəyi mühümdür. Çünki faiz endirimi üçün mühit yaranmaqdadır.
"İNFLYASİYANIN ENİŞİ KAFİ DEYİL"
"TEB Yatırım/BNP Paribas"ın Araşdırma Müdiri Övünç Gürsoy, Fed-in ola biləcək bir faiz endiriminin Mərkəzi Bankının imkanını gücləndirəcəyini qeyd edərək, "ancaq inflyasiyanın düşməsi məncə faiz endirimi etmək üçün kafi deyil. Mən il sonuna qədər 300 bəndə qədər endirim olacağını düşünürəm, amma seçkidən sonrakı vəziyyəti və S400 mövzusunu görmək lazımdır. Bunlar qısamüddətli ən əhəmiyyətli risklərdir..",- deyib.
FAİZ ENDİRİMİ GÖZLƏYƏN DƏ VAR
"Turkey Macro View Consulting"in İdarəçi direktoru İnanc Sözer faiz endirimi gözlədiyini bildirib:
Sözer "Fed-in tonunun yumşalacağı siqnalı, cümə günü açıqlanmış kənd təsərrüfatı xaric məşğulluq məlumatından sonra faizlərin geriləyə biləcəyi ehtimalının qiymətlərdə əks olunmağa başlaması ilə Mərkəz Bankın mövqeyi dəyişmiş ola bilər.
Mən az da olsa faiz endirimi görəcəyimizi düşünürəm. Bu endirimin nə ölçüdə olacağı əhəmiyyətli olacaq, bu bir faiz endirim dövrünün başlanğıcıdırmı, bu da izləniləcək", deyib.
